منتدى اهل ليبيا الحره

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

    تلاتة في ليبيا

    شاطر

    تلاتة في ليبيا

    مُساهمة من طرف اسير الضلام في الأحد سبتمبر 19, 2010 8:13 pm

    ثلاثة في ليبيا بس !!!

    ثلاثة يتمناهم الليبين
    1- السكنة فى طرابلس
    2- العلاج فى تونس
    3- الوصول الى سن التقاعد

    ثلاثة ما تحلمش بيهم
    1- السفر للسياحة
    2- اتصيف مع عايلتك
    3- كاس العالم فى ليبيا

    ثلاثة صعب تتخلي اعليهم
    1- الميه
    2-الهواء
    3- البازين

    ثلاثة لازم تتخلص منهم
    1- التفنيص
    2- التلقيح
    3- والسؤال عالمخطط

    ثلاثة تسبب الاحباط
    1- الواسطة
    2- الديون
    3- المنتخب الليبي

    ثلاثة يرفعوا الضغط
    1- الملح
    2- زحمة المرور
    3- العيل كان عشش

    ثلاثة تسبب الغرور
    1- الفيلا
    2- الهمر
    3- بدلة الحرس البلدي

    ثلاثة مايحبوهمش الليبيين
    1- التعليم
    2- المصريين
    3- حزام الامان

    ثلاثة مايرقدوش فالليل
    1- المديون
    2- والخانب
    3- واحد وجعاته السوسة

    ثلاثة شبه اختفوا من ليبيا
    1- ربت بيت
    2- احترام الشيابين
    3- الفراشية

    ثلاثة ماتحسش بطعمتهم الا فى ليبيا
    1- شاهي العالة
    2- مبكبكة عالحطب
    3- البورديم

    ثلاثة تدعيلهم بالهداية
    1- البلعوط
    2- المحسدي
    3- اللى يشجع فنادي الاهلي

    ثلاثة ما تستغربهمش في ليبيا
    1- واحد عمره 35 ما يخدمش
    2- واحد ايسوق فالاتجاه المعاكس
    3- واحد متعين عمره عامين

    ثلاثة تتمني ما تتصبحش فيهم خير
    1- سواك تاكسي مستعجل
    2- طابور الشيل الطويل
    3- مديرة مدرسة فيدها عصا

    ثلاثة ماتعرفش امتي اتخشلهم
    1- الحبس
    2- المستشفي
    3- مكتب القوي العاملة

    ثلاثة ماليهمش معني الا فى ليبيا
    1- العسلوز
    2- الزميطه
    3- العصبان

    ثلاثة ربي ايفكك منهم
    1- مجاري مفتوحه
    2- كلب مطلوق
    3- بمبلي غاز فاضي

    ثلاثة ايديروا فيهم الليبيين بس
    1- الهروب من السومافروا الاحمر
    2- الدفال على راس بمبلة الغاز
    3- تنفيظ فرشة متع الماكلة من الروشن

    avatar
    اماني
    عضو نشيط
    عضو نشيط

    رد: تلاتة في ليبيا

    مُساهمة من طرف اماني في الخميس سبتمبر 23, 2010 9:25 pm

    هههههههههه
    شكرا ؟؟؟؟؟ لاتعليق

      الوقت/التاريخ الآن هو الإثنين أكتوبر 22, 2018 7:44 am