منتدى اهل ليبيا الحره

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

    ثلاثيات ليبيه..........

    شاطر
    avatar
    ala
    عضو جديد
    عضو جديد

    GMT + 3 Hours ثلاثيات ليبيه..........

    مُساهمة من طرف ala في الثلاثاء نوفمبر 09, 2010 9:45 pm

    ثلاثيات ليبيهثلاثة يتمناهم الليبيين: السكن في طرابلس ... والعلاج في تونس ... والوصول لسن التقاعد.


    ثلاثة ما تحلمش بيهم : السفر للسياحة ... وتصيف مع عايلتك ... وكأس العالم في ليبيا.


    ثلاثة صعب نتخلى عنها : الماء ... والهواء ... والبازين .


    ثلاثة لازم نتخلى عليهم : التفنيص ... والتلقيح ... والبني خارج المخطط .


    ثلاثة تسبب الإحباط : الواسطة ... و الديون ... والمنتخب الليبي .


    ثلاثة يرفعوا الضغط : الملح ... وزحمة المرور ... والعيل كان عشش .


    ثلاثة تسبب الغرور : الفيلا ... والهمر ... وبدلة الحرس البلدي .


    ثلاثة ما يرقدوش الليل : المديون ... والخانب ... وواحد نايضة عليه السوسة .


    ثلاثة شبه اختفوا من ليبيا : الدلاع الطويل ... واحترام الشيابين ... والفراشية .


    ثلاثة ما تحسش بطعمتهم الا في ليبيا : شاهي العاله... وامبكبة على الحطب ... والبورديم .


    ثلاثة تدعو لهم بالهداية : البلعوط ... والمحسدي ... واللي يشجع في نادي الوحدة.


    ثلاثة ما تستغربهمش في ليبيا : واحد قاص السريع على رجليه ... وواحد يسوق في الاتجاه المعاكس ... ومتعين وعمره عامين.


    ثلاثة تتمنى ما تتصبحش فيهم : سواق افيكو مستعجل ... وطابور طويل في الشيل ... ومديرة المدرسة وفيدها عصا.


    ثلاثة ما تعرفش أمت تخشلهم : السجن ... والمستشفى ... ومكب القوى العاملة.


    ثلاثة ما ليهمش معنى إلا في ليبيا : العسلوز ... والزميطة ... والعصبان .


    ثلاثة ربي يفكك منهم : مجاري مفتوحة ... وكلب مطلوق ... ورشادة طايشة .


    ثلاثة إيديرو فيهم الليبيين بس : الهروب من الأحمر... والدفال على رأس بمبلي الغاز ... وتنفيض فرشة الماكلة من الروشن
    عدرا منكم

    GMT + 3 Hours رد: ثلاثيات ليبيه..........

    مُساهمة من طرف سحابة مطر في الثلاثاء نوفمبر 09, 2010 11:44 pm

    ههههههههههههههههههه هادو كلهم في ليبيا

    ممتاز

    GMT + 3 Hours رد: ثلاثيات ليبيه..........

    مُساهمة من طرف بنت بوها في الإثنين نوفمبر 15, 2010 12:22 pm

    سلامك هدا هوا موجود في ليبيا

    GMT + 3 Hours رد: ثلاثيات ليبيه..........

    مُساهمة من طرف احلام كبيرة في الإثنين نوفمبر 15, 2010 12:36 pm

    ايه هدا الموجود

    شكرا على الكلامات 3

      الوقت/التاريخ الآن هو الإثنين يونيو 18, 2018 5:32 pm